Тропарь Преподобной  Мелании Римляныне

 В тебе, мати, известно спасеся, еже по образу: приимши бо крест, последовала еси Христу, и деющиучила еси презирати убо плоть, преходит бо, прилежати же о души, вещи безсмертней, темже и со Ангелы срадуется, преподобная Млание, дух твой.

  Кондак

Девства чистоты возлюбльши и обручника к благим увещавши, премножества богатства расточи в пребывание иночествующим богоблаженная, и обители воздвиже, темже в Небесныя обители вселися. Поминай нас, Мелания всечестная.

  Тропарь Пресвятой Богородице перед её иконой "Целительница"

 Яко Пресвятая Звездо, просия Божественными чудесы святый Твой образ Целительнице. Подаждь убо и нам, Богородице Марие, исцеление недугов душевных и телесных, спасение и велию милость.

  Молитва

 Приими, о, Всеблагословенная и Всемощная Госпоже Владычице Богородице Дево, сия молитвы, со слезами Тебе ныне приносимыя от нас, недостойных раб Твоих, ко Твоему цельбоносному образу пение возсылающих со умилением, яко Тебе Самой зде сущей и внемлющей молению нашему. Покоемуждо бо прощению исполнение твориши, скорби облегчаеши, немощным здравие даруеши, разслабленныя и недужныя исцеляеши, от бесных бесы прогоняеши, обидимыя от обид избавлявши, прокаженныя очищаеши и малые дети милуеши; ещё же, Госпоже Владычице Богородице, и от уз и темниц свобождаеши и всякия многоразличныя страсти врачуеши: вся бо суть возможна ходотайством Твоим к Сыну Твоем, Христу Богу нашему.О, Всепетая Мати,Пресвятая Богородице! Не престай молитися о нас недостойных рабах Твоих, славящихТя и почитающих Тя, и поклоняющихся со умилением Пречистому образу Твоему, и надежду имущих невозвратну и веру несумненну к Тебе, Приснодеве Преславней и Непорочней, ныне и присно и во веки веков.Аминь.